बाँकेको खजुरा गाउँपालिकामा डिजिटल हाजिरी प्रणाली सुरु भएको छ । सुचना प्रविधी क्षेत्रमा बिश्वमा भएका प्रबिधिहरुको प्रयोग गर्दै गाउँपालिकामा डिजिटल हाजिरी प्रणाली सुरुवात गरिएको हो । परम्परागत प्रणालीलाई बिस्थापित गर्दै आधुनिक प्रविधिलाई अंगाल्न थालिएको छ ।

गाउँपालिका अध्यक्ष डम्बर बहादुर विकले हाजिरी लगाएर उक्त प्रविधीको उद्घाटन गर्नु भएको छ । गाउँपालिकाको आफ्नै लगानीमा डिजिटल हाजिरी सिस्टम सुरुवात गरिएको गाउँपालिकाले जनाएको छ । अवको युगमा हाजीरी प्रणालीलाई छिटो छरीतो र भरपर्दो बनाउनु पर्नेमा जोड दिइएको अध्यक्ष विकले बताउनु भयो ।

खजुरा गाउँपालिकाको गाउँ सभाको १२ औँ अधिवेशन २०७९|९|२४ गते शुभारम्भ भएको छ | सभाले आ.व २०७९|८० को अर्धवार्षिक समिक्षा, खजुरा गाउँपालिकाको साझेदारी कार्यक्रम संचालन कार्यविधि २०७९,खजुरा गाउँपालिकाको साझेदारीमा कार्यक्रम संचालन तथा व्यवस्थापन गर्ने सम्बन्धी ऐन, २०७९,खजरा गाउँपालिकाको नगर प्रहरी सम्बन्धी ऐन, २०७९,खजुरा गाउँपालिकाको खानेपानी तथा सरसफाइ र स्वच्छता सम्बन्धमा व्यवस्था गर्न बनेको विधेयक, २०७९ प्रस्तुत भएको थियो | साथै खजुरा गाउँपालिका विभिन्न वडा तथा शाखाका कार्यक्रम,योजना संशोधन भई पारित भएको भने अन्य विषयमा मिति २०७९|९|२९ गते छलफल हुने भएको छ |